Ivana Nasteska graduated journalism at the Faculty of Law at the State University of Ss. Cyril and Methodius – Skopje. As a journalist she started working in 2008 and since then she has worked in several printed and online media such as the weekly magazine “Forum”, the news agency Makfax, the daily newspaper “Dnevnik”, news portal “Telegraf”, daily newspaper "Nezavisen" and currently works at the news multimedia platform "Vidi Vaka" For more than ten years, she has been pursuing content from internal politics, social issues, and has been actively following culture as a sector in the last five years. She has continuously been upgrading and developing her skills regarding mobile journalism and social media.

Ivana Nasteska

Пишуваат: Ивана Настеска и Алберие Џемаили

„Никогаш не сум припаѓал на ниту еден клан, на ниту една политичка структура. Не дека не треба глумците да се активни во политиката, но да се занимаваат со здрава политика, а не со ниското ниво на кое што е политиката кај нас. Се сметам за бунтовник и ако има повеќе луѓе со слична енергија како мојата, влијанието на културата и уметноста ќе биде поголемо врз нашето општество“, вели актерот Адриан Азири.

Во последниве неколку години, тетовскиот актер Адриан Азири (41), е многу почесто присутен во телевизиски серии на домашните телевизии, но и низ регионот. Преку улогата на Наим во „Преспав“ достигна поголема популарност кај пошироката публика, иако не смее да се потцени и неговиот претходен багаж со одиграни над 40 театарски претстави, наградите кои ги добил, но и работата надвор од границите на земјава. Пред да ги финишира студиите на Факултетот за драмски уметности во Скопје, го добива и првиот ангажман на филм и тоа за „Прашина“ во режија на Милчо Манчевски, потоа следуваат обврски во театарот во Тетово, а сега се повеќе е присутен на ТВ-проекти во Србија и Црна Гора. Една од подрагите улоги му е ликот на Елтон во германскиот филм „Едуарт“. Малкумина знаат дека Адриан е и музички колекционер, па во неговиот стан има илјадници музички плочи, а многу од домашните музичари често и го консултираат за музиката. Од инструменти свири на хармоника, а освен англискиот јазик и јазиците од екс-југословенските простори, солидно го зборува и турскиот. Тој е посветен татко и сопруг и веќе неколку години е преселен во главниот град, Скопје.

Пошироката домашна јавност Ве запозна преку серијата „Преспав“. Ви годи ли тоа внимание?

-Популарноста на ситкомот, особено серијата „Преспав“ е многу повидлива отколку целото искуство што го имам постигнато претходно со претставите. Телевизијата е се` уште најмоќниот медиум за рекламирање на еден актер. Популарноста што ја постигнав со „Преспав“ не можев да ја постигнам со претставите.Телевизијата може секој да ја гледа, а во театар не оди секој – или не сака или не може.

Јавноста Ве препознава преку ликот на Наим. Имаат ли воопшто нешто заедничко Адриан и Наим?

-Заеднички е тикот којшто јас го развив преку ликот на Наим од првата сезона до сега, а тоа е смеењето. Тоа е дел што го давам од себе, но го развив во насока да не биде кич. Единствено е тоа што ни е заедничко со Наим.

Она што гледачите го добиваат е половина час смеа. Но, колку е напорно/смешно снимањето? Како се одвива снимањето на една епизода?

-Таа енергија којашто е зад кулисите, позади камерите е нешто ненормално. Велам ненормално, но на поизитивен начин. Има некоја чудна магија, понекогаш не може да се исконтролираме, па ни даваат пауза за да престанеме да се смееме. Ние сме како семејстввво, сите сме еднакви на сет и сите имаат еднаков третман. Тоа го наметна и самата продукција „ОХО“ и тоа е одличен пример за работа.

Вие сте сопруг татко…Како се снаоѓате во секојдневието со оглед на тоа дека актерите немаат утврдено работно време? Како се организирате околу домашните и професионалните обврски?

-Морам да напоменам дека е многу тешко да се организира човек. Сега имаме мало дете од 14 месеци и откако станав татко, поминаа две сезони на „Преспав“, а напоредно снимав и серија во Србија и Црна Гора. Особено е тешко кога дома си со мало бебе, а дополнително и сопругата работи. Но, секогаш сме наоѓале начин или помош од моите родители или пак од сестрите на мојата сопруга. Се снаоѓаме.

Работите и надвор од границите на земјава, ја снимавте „Беса“ во Белград, „Дојч кафе“ во Подгорица, филмот „Едуарт“ беше копродукција меѓу Грција, Албанија, Македонија, Германија.

Зошто се важни тие соработки?

-„Дојч кафе“ се случи во текот на снимањето на „Беса“ во Белград. Тогаш се запознав со Душан Ковачевиќ кој беше истовремено продуцент на „Дојч кафе“. Станавме многу блиски, па ме покани да гостувам во една епизодите на „Дојч кафе“. Додека пак, „Беса“ се снимаше во Белград, Улцин и Будва. За мене како актер ,соработките надвор од земјава ми се ново искуство и ме збогатуваат професионално. Иако, напоменав дека повеќе сум играл на претстави, не изостануваат ниту филмските и телевизиските проекти. Како студент на трета година на факултет имав шанса да играм и во филмот „Прашина“ на Милчо Манчевски. Тоа за мене беше прво филмско искуство, а беше едно и од најпрофесионалните. Не сакам другите да ги омаловажувам, но „Прашина“ беше сериозен проект каде што играа и холивудски актери. Исто и во филмот „Едуарт“, играа доста познати актери, меѓу кои и германскиот актер Андре Хенике.

Како ја добивте улогата на Елиот во филмот „Едуарт“?

-За тој филм имаше аудиција, тука во Скопје, на која се појавив, а подоцна правеа аудиција и во тетовскиот театар, па режисерката Ангелики Антониу сакаше да ме види и таму. Ликот на Елтон за којшто се пријавив на аудицијата беше по професија слаткар, па тука решив малку покреативно да настапам за аудицијата во Тетово. Беше пеирод кога го славевме Бајрам, а мајка ми имаше направено одлични слатки. Земав неколку и отидов на кастингот во Тетово. Освен што го одглумив текстот којшто ми го дадоа за задача, јас се претставив како вистински слаткар и на крај ги послужив со колачите. Ниту режисерката, ниту другите не го очекуваа тоа, а мислам дека тоа излегување од границите дополнително ги убеди да ме земат мене за таа улога. Беа изненадени и не очекуваа да се појавам со колачите.

Живееме во мултикултурна земја, општество, но, се` уште се бориме со дискриминации, условувања со погрдни зборови, навреди, по секакви основи. Сте имале ли некогаш такво искуство?

-Од аспект на националност, секогаш сум бил поставен така што не сум им го давал на луѓето тој луксуз, да ме навредат на таква основа. Сум покажувал дека јас не сум човек којшто го заслужува тоа и дека сум нешто повеќе од тоа што го мислат. Не сум дозволил да стигнат до тоа да ме навредат. Секако, сум имал ситуации низ животот, меѓутоа, сум знаел како да реагирам во дадениот момент и нештата да се променат.

Уметноста има за задача и да лоцира општествени аномалии, да посочува проблеми, но и да даде решенија понекогаш. Ќе успее ли да се одбрани уметноста од влијанието на политичарите?

-Никогаш не сум припаѓал на ниту еден клан, на ниту една политичка структура. Не дека не треба глумците да се активни во политиката, но да се занимаваат со здрава политика, а не со ниското ниво на кое што е политиката кај нас. Се сметам за бунтовник и ако има повеќе луѓе со слична енергија како мојата енергија, влијанието на културата и уметноста ќе биде поголемо во нашето општество.

Ако бидете премиер на еден ден, што е она што прво ќе го направите?

-Би ги затворил сите театри и сите факултети за драмски уметности, особено за глума, и би направил нова комисија и начин за приемен на актери. И во сите театри нов систем за примање на актери на работно место.

Потребна е нова систематизација во овој дел?

-Според мене, да. Живееме во држава кадешто корупцијата е најистакнатиот феномен.

За крај, неколку блиц-прашања: Што Ве прави среќен?

Ме направија среќен некои од прашањава, бидејќи се искажав малку повеќе.

Користите социјални мрежи за комуникација или за промоција?

-Ниту за комуникација, ниту за промоција. Ги користам за да „тепам“ време кога имам барем малку време слободно.

Што Ве води низ животот или некоја мисла водилка?

-Со мојата сопруга се знаеме веќе 12 години и кога одлучивме да живееме заедно се преселивме во Скопје. Па, откако во јуни месец го затворив кафулето во Тетово, многу поретко одам таму, но бидејќи сум од Тетово, сум некако приврзан за градот. Размислувам, доколку би имал огромни звучници кои би ги поставил на сите страни низ градот. Секој вечер со одредени децибели би пуштал музика, којашто знам дека делува смирувачки. Би го правел тоа се’ додека луѓето не се исчистат од негативната енергија. Ова го зборувам, бидејќи јас сум колекционер на музика и многу добро го знам влијанието на добрата музика.

Која музика најмногу ја слушате? Кои музичари се безвременски?

-Генерално, џез и блуз, а од нив потекнуваат многу елементи како џез фјужн, алтернативен рок, алтернативен џез итн. Индивидуален е вкусот за музика, но јас го почитувам многу контрабасистот Рено Гарсија-Фонс, иако многумина не би можеле да го слушаат. Потоа, Ерика Стаки, па ако одиме накај источниот дел Азиза Мустафа Заде, па саксафонистот Јан Гарбарек и многу други.

Дали сте непоправлив оптимист или реален песимист?

-Ќе одговорам со нешто трето – реален оптимист.

Фото: Продукција „ОХО“

Адриан Азири: Уметноста и културата треба да имаат поголемо влијание врз нашето општество

Не се случило никогаш порано во Македонија луѓето се затворат повеќе од 60 или 80 часови. За прв пат ова се случи на 10 април, петок, од 16:00 часот, до понеделник 13 април, до 5:00 часот, и од 17 април во 16:00 часот до вторник 21 април, до 5:00 часот наутро. Карантинот е дел од мерките за заштита од коронавирусот. Но, како изгледаше живот на затворено на луѓето во Македонија? Учесниците на Мрежата на млади новинари известуваа и го документираа преку фотографии, животот во карантин во нивните населени места. Младите новинари се од различни градови во земјата и сите заедно прикажуваат единствен мулти-димензионален поглед на „затворањето“ на земјата:

Рита Сила е од Тетово. Таа ги направила фотографиите на својата улица “Илинденска„ во центарот на градот.

1: Јажето, кое обично е со алишта, овој пат беше полн со маски. „Ќе ни требаат за подобри денови…сега засега и ним им треба малку одмор“, кажала мајката на Рита, која ги простира на јажето!

2: “Hippie” ананасот додаде позитивни бои и живост на улицата од детството на Рита, која сега е празна. Така беше и на другите улици на Тетово.

3: Јога во карантин. Може да бидете изолирани во четирите ѕида на собата, но експлодирате во внатрешноста на умот и душата!

4: Еден ден пред “ослободувањето„ од првиот карантин. Слободата е важна, Рита се подготвува да ја излезе од куќата 24 часа порано!

6: Дури и Бади (Buddy) е во карантин. Кучето е престрашено што не може да ја излезе од куќата. “Не грижи се Бади, сите сме во оваа тажна ситуација заедно!”

7: Фрижидерот на Рита навистина го има овој натпис „Stay away from the fridge“! (Остани подалеку од фрижидерот). „Продолжувам да јадам, но, единствената разлика е во тоа што кога ќе се приближам до фрижидерот оваа порака ме прави да се смеам“, вели Рита. И да, ни требаат што повеќе насмевки во ова време 🙂

Но, како изгледа долгиот карантин во село каде луѓето живеат во куќи и имаат дворови и градини. Овие слики ги донесе Рита Бехадини, од тетовското село Слатина.

1: На село, физичкото растојание се држи природно и така се вршат пролетните работи. Слатина, Тетово.

2: Кога се работи, може да се прават и шеги, но, секогаш со доволно физичко растојание. Двајца членови на семејство, кои играат во тетовското село Слатина.

3: Дворот создава можност за подготвување и на традиционална храна со традиционални помагала. Флија на сач е чудо!

4: Сите кон флијата но сега без физичко растојание. Но, секако откако ќе се измијат рацете.

Куманово е еден од центрите на битката со коронавирус. Лутфие Нухиу ја донесе атмосферата од центарот на градот.

1: Улицата “Трст„ во центарот на Куманово никогаш не била толку празна на сред ден.

2: Улицата “11 Октомври“, исто така во центарот на Куманово, е без луѓе и возила.

3:Иако во центарот на Куманово, надвор смеат само животните.

А предградието? Албрие Џемаили исто така од Куманово, но од предградие, со своите фотографии прикажува дел од кумановскиот карантин.

1: Не може да се излезе надвор, но, може да се оди високо. Семејство на „пикник“ за време на карантин на терасата на зградата. Фотографиите се направени во населбата Долно Коњаре.

2: Деца во дворот пред празна улица. И тие се зачудени од тоа каде се другите луѓе на населбата која има доста движење. Фотографијата е направена во населбата Долно Коњаре.

3: Мачка во карантин. Кога луѓето не се движат, не се движат ни животните!

4: Куче во карантин. Кога луѓето не се движат, не се движат ни животните!

5: Пејзаж од прозорец, каде цвеќињата се заменети со средства за чистење.

6: Во двор, но, наоколу без бучавата на секојдневието. Сè е празно и без луѓе, како во Куманово така и насекаде.

Скопје не е само главниот град, туку и градот со најголемиот број жители во Македонија. Карактеризирано со населби и општини со различна географија, еве како изгледаше карантинот. Арди Жута носи највпечатливи слики на симболот на Скопје, Чаршијата, но без луѓе, како никогаш порано.

1: Порано, оваа уличка на Чаршијата беше полна со живот. Свеж мирис на кафе, слаткарници, продавници и доста движење. Но, дури и обоените чадори не можат да донесат енергија без луѓето. Фотографијата е направена на вториот ден од 85-часовниот карантин.

2: Не само уличките, туку и продавниците се празни. Ова е продавница на познатата златарска улица на Чаршија. Но, сега злато се домот и здравјето!

3: Оваа автобуска станица е една од пооптоварените. Тоа е во близина на крстосницата на булеварот “Крсте Мисирков“, но без луѓе.

4: Најфреквентната крстосница која поврзува неколку делови на Скопје, како никогаш досега, е празна. Фотографијата е направена за време на 85-часовниот карантин, кога православните верници го славеа и Велигден. Но, градот е без луѓе и на ден на прослави.

Дани Лазаревска ја прикажува атмосферата во дел од Кисела Вода, Скопје. Но, атмосферата е иста, во тек на целиот ден во карантин.

1: Секоја вечер во 8 забавата започнува во Кисела Вода во блиска околина на основното училиште „Невена Георгиева – Дуња“. Од добро озвучениот и помалку украсен со по некоја новогодишна светилка 6ти спрат .Отворањето секоја вечер е со иста песна – Next time, „Ја излези Ѓурѓо“ , помалку и метафорички повикувајќи ги соседите на прозорите и терасите заедно да најдат малку забава во овие помалку и меланхолични и еднолични часови на изолација каде улиците се празни и без луѓе.

1: Сонцето е изгледа едно од малкумината за кое не важи забраната за излегување. Светлината и топлото време често ги тера жителите своите дневни навики да ги пренесат од дневната на балконите како честите попладневни разговори или првото утринско кафе.

Но, не беа празни сите скопски населби. Арта Ќерими прикажува сцени од населба, каде има повеќе куќи и дворови и на чии улици деца и млади излегле пред нивните куќи.

1: Во населбата „Серава“, скоро во центарот на Скопје, општина Чаир, речиси никогаш нема мир. За време на 60-часовниот карантин, младите и децата го искористија добрите временски услови за да си играат пред своите куќи.

Во меѓувреме, Ивана Настеска, носи сцени од Скопје, но, од општина Карпош. Дури и овде, младите со тешкотии се справуваат со рестрикциите за движење, кои нашле други начини.

1: Иако изгледа дека младите уживаат во сонцето, јасно е дека не се среќни со оваа изолација. Фотографијата е направена на улицата “Кленоец„ населба Влае, општина Карпош.

2: Иако не многу среќни што треба да седат дома, младите луѓе за време на полицискиот час, не можеа да одолеат на убавото време, па за рекреација го искористија кровот од зградата во која живеат. Сликата е направена на улица „Кленоец“, во населба „Влае“, општина Карпош.

3: Но, кога доаѓа ноќта, освен возилото на полициската патрола, на улицата „Кленоец“ во населбата „Влае“ во општина „Карпош“ нема никакво движење од други граѓани.

Маја Терзиова носи атмосфера и прикази скопските населби, „Ѓорче Петров“ и „Хром“, каде исто така животот и движењата застанаа.

1: Прв полициски час во Скопје. Улицата „ Ѓорче Петров “ празна како никогаш до сега.

2: Улица „ Исаија Мажовски “ во Скопје за време на 62 часовен карантин, населба „Хром“. Додека соседите кои живеат во куќи прават скара по дворовите, тоа за луѓето кои се во станови е невозможна мисија.

3: Немаат двор за скари, но, релаксација во карантин може да има и на 12 кат.

4: Во временскиот интервал од 20:00 од 20:30 часот, за време на полициски час е дозволено време за прошетка на милениците. Додека луѓето се затворени, во стан или куќи, само тие со миленици може да се на „слобода“.

Ако веќе добивме впечаток за општините и населбите на главниот град, како е долго-часовната изолација во центарот на Скопје? Дорина Ајдини, која живее во центар ја прикажува атмосферата.

1: Рекордно времетраење без автомобили, кое некогаш до сега не го видела, таканаречена област „Рекорд“ во центарот на Скопје.

2: На главната улица „Македонија“, во срцето на Скопје, пред влезот на зградата, е само куче скитник, но, луѓе нема.

3: Ниту едно возило или движење пред Музејот на Град Скопје. Исто како и часовникот на некогашната Железничка станица, во центарот на главниот град, кој застанал од земјотресот во 1963 година, исто така е и чувството за времето во тек на карантинот. Застанало и не поминува.

Теута Бучи, исто така долови сцени од значајни места на главниот град, кои никогаш не се празни.

1: Плоштадот Македонија е центарот на Скопје. Тој видел движења непрестајно, од оние историски, кога е прогласена независноста, убиства, протести, но и празници и концерти. Но, никогаш не бил празен како сега.

2: Ова е улицата „Цветан Димов“ една од главните на општина Чаир. И оваа улица никогаш не е празна, дури ни ноќе. Но, овој поглед е „историски“ бидејќи кој знае кога ќе се повтори!

Шефкије Аласани, во текот на деновите на големите затворања беше во Струга, но ни носи слики и од градот и од селото, освен Струга и Дологожда, село на 11 километри оддалеченост од градот. Еве како изгледаше животот во овие две населени места:

1: Познатото шеталиште покрај реката Црн Дрим во Струга. Иако беше убав и сончев ден ова беше погледот. Жителите на Струга не памтат некогаш да за време на топол пролетен викенд, шеталиштето околу Црн Дрим било потполно празно. Фотографијата е направена на 12 април, околу 13,00 часот.

2: Улицата „Маркс Енгелс“ е главната улица и се наоѓа во центарот на Струга. Вака потполно празна може да се види само за време на изолација во вонредна состојба. Апсолутната тишина можеби им годи само на жителите во своите домови кои никогаш не ја виделе улицата празна, дури ни ноќе.

3: Улиците беа празни и на село. Кога поминаа 50 часа од изолацијата, изгледа дека само за некои деца станало неиздржливо. Фотографијата е направена на 12 април околу 18:00 часот во селото Дологожда.

4: Еден обичен ден во тек на карантин во село се поминува грижејќи се за дворот и уживајќи во истиот семејно. Интересен факт е дека родителите и бабите и дедовците се најсреќни со одлуката за полициски час. Според нив, ова е единствениот начин децата да седат дома и така сите може да поминат повеќе време заедно. Фотографијата е направена по 24 часа карантин, во струшкото село Дологожда во Струга.

5: Карантинот ги натера луѓето да се посветат на кујната и да подготвуваат разни специјалитети. 61-часовната изолација беше причина да многу семејства ја поминат неделата подготвувајќи традиционална храна. Фотографијата е направена во селото Дологожда.

Во Штип немало никакви движења ниту во центарот, ниту на улиците кои поврзуваат различни населби. Теодора Новеска го прикажува овој празен град, но, со мал број движења на оние што имаат дозвола за тоа.

„Затворена“ Македонија

Во земјава според институциите постојат стотици граѓани кои немаат документи за идентификација. Од друга страна, невладините организации укажуваат за илјадници лица кои поради тоа што немаат документи, не уживаат никакви основни права како образование или здравство.

Еви Шкопи и Ивана Настеска

Омер има 24 години и е роден и пораснат во земјава, но не ужива никакво право бидејќи е евидентиран како мртов. Омер има извод на родени и посмртница, првиот документ од 1995 година, а вториот од 1997 година, но има и диплома каде се вели дека ги завршил студиите во 2014 год. Тој објаснува дека целата збрка се случила поради една грешка на неговите родители. Ова го сфатил на 18 годишна возраст, кога сакал да извади документи за идентификација. Тој понатаму раскажува:

„ Кратко по моето раѓање, се родил и мојот братучед, но тоа било породување дома. Не го запишале во Матичната книга на родени. Една година подоцна тој се разболел. Бидејќи бил незапишан во Матичната книга на родени, биле принудени да го носат на лекар со мојата здравствена книшка. Неговата состојба се влошила и за жал, починал. Од родителите било побарано да ја потпишат документацијата и од шокот доживеан поради губење на животот на член од семејството, не сфатиле дека всушност потпишуваат документи каде нивниот син фигурира како починат”, вели Омер.

Како се живее без никакви права?

И покрај тоа што не извршил никаков криминал, Омер вели дека живее во страв. Разочаран, вели дека можеби никогаш нема да има нормален живот.

„Јас не постојам овде. Живеам како бегалец. Немам никакви права. Не можам да одам во странство. Кога сум болен, не можам да одам во државна болница. Не можам да уживам во правата на работникот, не можам да живеам како моите врсници. Работам како келнер и постојано сум во страв. Кога сум ноќна смена, честопати ја гледам полицијата на пат кон дома, многупати ме застанувале, ми бараат документи, а јас немам ништо. Потоа ме приведуваат во станица и ме држат со часови додека да се објасни ситуацијата и додека не дојде татко ми да ме земе. Утре не ќе можам да се венчам, ниту ќе можам татковство да пренесам на моите деца“, раскажува Омер.

Патот до решавање на овој проблем станува дури и покомплициран. Од Министерството за внатрешни работи му кажале дека за да тој да се регистрира, треба да се отвори гробот на неговиот братучед. Омер вели дека во тоа време неговиот братучед бил закопан во село, и денеска не се знае каде е гробот. Тој вели дека му било ветено неколку пати од политички фигури, за време на предизборни периоди, кога им требаат гласови, но веднаш по изборите, оваа мака, вели Омер, се заборавала од сите. Институционално нема поднесено барање за решавање на овој проблем, бидејќи се плаши де не го уапсат татко му поради направената грешка.

Ситуацијата во која се наоѓа Омер, најдобро ја разбира Сафије Пајазити. Деведесет годишната жена од Бреза нема никаков документ, освен извод на венчани. Целата забуна се случила кога таа се мажела. Во тоа време имала 16 години и три месеци и нејзините родители сакале да ја подигнат нејзината возрасна граница. Како година на раѓање е напишана 1928-ма, но не мислеле на фактот дека истата таа година се родил и нејзиниот брат, со кој сега има само седум дена разлика. Таа не памети дали имала документи за идентификација до времето кога се венчала.

„Така биле луѓето порано, планински луѓе, пократко кажано. Ме омажиле, не ми средиле никаков документ. И јас бев млада, не барав никаков документ. Сум имала 16 години и три месеци, ми рекоа да ме направат постара. Кога го направија тоа, со брат ми испадна дека сме само 7 дена разлика„ – вели старата Сафије.

Документите за идентификација, вели таа, ги сака само за една цел – да добие здравствена книшка.

„Отидов на лекар, но не ме примија. Ми кажаа дека не смеат без документ. Назад дома. Јас барам државата да ми ги среди документите за да имам барем здравствена книшка, за да можам да одам на лекар. Бидејќи од ден на ден сум се послаба и ако лежам во болница, не ќе можам да платам дури и куќата да ја продадам.“

Точната бројка предмет на прогнози

Точен број на лица во земјата кои немаат лични документи нема никој, ниту институциите ниту невладините организации. Според првите, бројот на лица без документи достигнува 700. Бројките веројатно се многу поголеми, вели Драги Змијанац, од детската амбасада „Меѓаши“, само нерегистрирани деца, вели тој, се околу 5 илјади.

„Неофицијалните бројки можат да се движат од 3 до 5 илјади. Важно е да се дефинира точниот број. Според некои податоци на Министерството за труд и социјална политика, евидентирани се 330 деца фантоми, кои може да бидат киднапирани и исчезнат од мапата на Македонија, без да се знае претходно ниту од каде се движеле. Да не зборувам за трговија со деца, детски органи, детска проституција и други ужасни форми на злоупотреба на децата.“

Дали новиот предлог-закон ќе им ги реши проблемите на овие граѓани?

Неодамна Владата го усвои предлог-законот на неевидентираните лица и го достави до собранието. Како што беше тогаш соопштено од владината прес-служба, предлог-законот има за цел неевидентираните лица во матичните книги на родените да се стекнат со својство на лице со посебен граѓански статус. Тоа треба да им овозможи остварување право за образование, здравствена заштита, социјална заштита и вработување со задолжително социјално осигурување согласно закон. Од Хуманитарното и добротворно здружение на Ромите „Месечина“ од Гостивар велат дека овој предлог-закон е добар чекор, но тој нема трајно да ги реши проблемите на сите граѓани кои се без лични документи.

„Овој предлог-закон е крупен чекор кон напред и повеќе од потребен. Полесните случаеви ќе ги реши, но нема да даде трајни решенија за сите граѓани кои не се евидентирани. Особено, нема да ги реши проблемите кај покомплицираните случаеви. Овие граѓани е потребно да се стекнат со право на здравствена и социјална заштита, образование, а крајно да им се овозможи и правото за барање на работа“, вели Мухамед Точи од ХДЗР „Месечина“.

Министерката за труд и социјална политика, Мила Царовска неодамна информираше дека сите овие граѓани кои немаат документи ќе може да го остварат своите граѓански права.

„Овие луѓе премногу долго живееја на маргините на нашето општество. Со новиот Предлог закон кој го утврдивме на Влада им овозможуваме да ги остварат своите основни права. Право на здравствена и социјална заштита и редовен работен однос, а децата ќе можат да се вклучат во образованиот процес“, информираше Царовска.

700 лица без документи се регистрирале досега

МТСП и Управата за водење на матични книги уште лани во април објавија Јавен повик до сите лица коишто живеат во земјата а не се евидентирани во Матичната книга на родени. Тие беа повикани да дојдат во канцелариите на матичните служби за да пополнат Прашалник во кој ќе ги наведат своите податоци. Јавниот повик траеше до ноември 2018 година и беа пријавени 700 лица. Податоците од пополнетите Прашалници се внесуваат во посебен електронски регистер. Како што објаснуваат од Министерството, врз основа на овој регистер, Управата за водење на матични книги на овие лица ќе им издава привремен Извод на родени и МВР ќе им издава привремена лична карта. Од ова министерство велат дека на овој начин ќе можат да ги остварат сите права кои им следуваат како граѓани на оваа држава. Остварувањето на овие права и овој статус овие лица ќе го имаат се до обезбедувањето на потребните документи за нивна регистрација во редовната матична книга на родени, велат од МТСП.

Физички присутни, но институционално непостоечки

Нова Година е несомнено еден од најголемите празници, кој се слави низ целиот свет. Украсувањето на градовите, локалите и куќите се неодминлива работа, која со годините стана традиција. Новогодишната елка, осветлување и Дедо Мраз се главните симболи, но не и единствените, кои ги гледаме на секој градски плоштад во тек на месец декември. Студентите на Академијата на Демокраси лаб, направија преглед на трошоците за новогодишно украсување во периодот од 2016 – 2019 година за општините Струга, Тетово, Град Скопје, Радовиш, Куманово, Ресен, Битола и Карпош. Карактеристично е дека Град Скопје има највисоки износи за украсувањето, додека од анализа за останатите општини, две компании – „Линк медиа плус“ и „Метал ват – ел“ најчесто добивале јавни набавки.

Град Скопје четири години по ред го украсува „Линк медиа плус“

Пишуваат:Рита Сила и Ардит Рамадани

Карактеристично за Град Скопје во периодот 2016-2019 година, е дека трошоците за украсување за новогодишните празници постојано растат, додека компанијата која ги добивала набавките, останува иста. За новогодишно украсување во 2019 година, 17.852,000 денари граѓански пари Градот Скопје исплатил на жиро сметката на компанијата „Линк медиа плус“, со седиште во Скопје. Оваа компанија која го добила тендерот, немала ниту ниту еден конкурент, и на јавната набавка има само една понуда, таа на „Линк медиа плус“. Ништо помалку е платено за украсувањето во 2018 година, со јавната набавка во висина од 15.989,999 денари, додека во 2017 година, Градот за новогодишнo украсување издвоил 11.999,999. Карактеристично за 2019 година е дека за прв пат на компанијата Линк медиа плус се појави уште една компанија чија понуда, не беше прифатена од Град Скопје. Со тоа, компанијата „Линк медиа плус“ останува во игра, и последователно го добивала тендерот. За новогодишното украсување во 2016 година Град Скопје потрошил вкупно 12.000,600 денари.

Преглед на трошоци за новогодишно украсување на Град Скопје по години: 2019: 17.852,000,00 денари. 2018: 15.989,000,00 денари. 2017: 11,999,999,38 денари. 2016: 12,000,600,00 денари.

Освен милионските тендери за украсување на неколку градови во Македонија за новогодишните празници, компанијата „Линк медиа плус“ позната и по повеќе други услуги кои се бараат од општините, колку што може да се утврди од електронскиот систем за јавни набавки. Неодамна, оваа компанија добила тендери за засадување на жардиниери, обработка на материјали за Нова Година, потоа, обработка на контролни бандероли, набавка на спортска опрема и друго. Базирајќи се на електронскиот систем на јавни набавки, може да се види дека оваа компанија во 2013 година добила тендер од Министерството за земјоделство за обработка на контролни маркици-етикети. Од Општина Карпош има добиено тендер за набавка на спортска опрема. Од истата општина, истата година, има добиено тендер за менување и хортикултурно уредување на двете страни на булеварот „Партизански одреди“ (пролетно и есенско засадување 2013). Истата година, истата компанија има склучено договор со МВР за набавка на униформи. Компанијата во системот за електронски набавки може да се најде и во многу други тендери од разни профили.

Преглед низ факти: Скопје Година: 2019 година Предмет на договорот: новогодишна декорација Изведувач: Друштво за производство, трговија и услуги „Линк медиа плус“ дооел увоз-извоз Скопје Вредност на договорот: 17.582.000,00 ден. Број на примени понуди: 1 Скопје Година: 2018 година Предмет на договорот: новогодишна декорација Изведувач: Друштво за производство, трговија и услуги „Линк медиа плус“ дооел увоз-извоз Скопје Вредност на договорот: 15.989.000,00 ден. Број на примени понуди: 1 Скопје Година: 2017 година Предмет на договорот: новогодишна декорација Изведувач: Друштво за производство, трговија и услуги „Линк медиа плус“ дооел увоз-извоз Скопје Вредност на договорот: 11.999,999,38 ден. Број на примени понуди: 2 Скопје Година: 2016 година Предмет на договорот: новогодишна декорација Изведувач: Друштво за производство, трговија и услуги „Линк медиа плус“ дооел увоз-извоз Скопје Вредност на договорот: 12.000.600,00ден. Број на примени понуди: 1

Општина Карпош за четири години потрошила повеќе од 172.000 евра за новогодишно украсување

Пишуваат: Маја Терзиова и Дора Ајдини

Општина Карпош за периодот од четири години (2016, 2017, 2018 и 2019 година) од општинскиот буџет за новогодишно украсување потрошила нешто повеќе од 172.000 евра или 10.661.678 денари. Околу две третини од овие средства или 6.249.917 денари се потрошени во една година за јавната набавка што ја добила компанијата „Линк Медиа плус“ во 2016 година, во време кога со општината раководеше Стевчо Јакимовски. Со промената на власта, опаѓа и вредноста на набавките за новогодишно украсување, при што во 2017 година се потрошени два милиони денари, во 2018 година 411.761 денари, додека во 2019 година се потрошени два милиони денари. Новогодишните трошоци низ годините Договорот од 2016 година, вклучува новогодишно украсување на јавни површини и огномет, кој е склучен со компанијата „Линк Медиа плус“ на 14.10.2016 година и изнесува 6.249.917 денари. „Линк Медиа“ е на пазарот околу 10 години, која е водечка компанија за украсување на отворени и затворени простори. Договорот од 2017 година, склучен на 22.11.2017 година е во времетраење од три месеци и изнесува два милиони денари со компанијата „Метал Електрик Миодраг“ ДООЕЛ од Скопје, застапувано од Миодраг Милошевиќ. Компанијата се занимава со градежни работи, изведување на патишта, автопати, градежни завршни обработки и архитектонски услуги. Во договорот пишува дека висината на трошоците на Општина Карпош, вклучува трошоци околу поставување на новогодишни елки, светлосни мрежи, светлосни топки, светлосни фигури, сијалички, светлосни коцки и фонтани. Договорот од 2018 година е склучен на 21.12.2018 година, со компанијата „Метал ват –ел“ од Скопје, застапувано од Манка Мангарова и изнесува 411.761.00 денари. Компанијата се занимава со сервисирање на моторни пумпи, трговија со материјали на машински и производствени погони и новогодишно украсување и промотивни материјали за настани. Во договорот од 2019 година, за украсувањето се потрошени два милиони денари од буџетот на Општината, кој е склучен со компанијата „Метал ват –ел“, исто како и во 2017 и 2018 година. Оваа година новогодишно украсување добија платото на „Млечен“ во УЗ „Владо Тасевски“, платото „Коцка“ во Карпош 3, плоштадот „Делфина“ во Влае 2, плоштадот во Бардовци, кружниот тек кај гимназијата „Георги Димитров“, плоштадот во Тафталиџе 2 и паркот спроти Студентскиот дом „Гоце Делчев“. Според досега достапните податоци за склучени одговори на ЕСЈН, од фирмите кои украсуваат во пресрет на 2020 година, скопската фирма „Линк Медиа“ е на прво место по вредност на договорот. Оваа компанија за два договори, со Град Скопје и со Општина Струмица, ќе добие над 300 илјади евра, додека 11 договори во вредност од 185 илјади евра има фирмата „Метал ват –ел“ од Скопје за 2019 година. Компанијата „Линк Медиа“ во 2017 година склучила пет тендери ,вклучувајки ги :Град Скопје, Карпош, Центар, Ѓорче Петров и Струмица.За нив добила договори вредни над половина милион евра. Аплицирањето за тендер трае од 10 до 20 декември, а потоа следува законски рок за објавување на електронска аукција, за доставување на известувањето за донесената одлука како и период на мирување на постапката додека помине рокот за евентуални жалби.

Во изминатите пет години, „Линк медиа плус“ четири пати го украсувала Радовиш

Пишуваат Љубица Иванова и Арта Ќерими

Во системот за електронски јавни набавки (ЕСЈН), податоци за склучени договори за Новогодишно украсување во Радовиш има за 2015, 2016, 2017, 2018 и 2019 година. Вкупната вредност на склучените договори за овие години изнесува 6.575.196 денари односно околу 106.913 евра. Како носители на набавката за 2015, 2016, 2017 и 2019 година се јавува фирмата „Линк медиа плус“ ДООЕЛ – Скопје, а за 2018 година била ангажирана фирмата „МЕТАЛ-ВАТ-ЕЛ“ ДООЕЛ – Скопје. Во 2015 година на е-аукцијата имало две понуди, за услугата изнајмување, монтажа и демонтажа на декоративна опрема за новогодишно и божиќно украсување, склучен е договор со „Линк медиа плус“, вредноста на склучениот договор е 1.029.668 денари со вклучен ДДВ. Подетални информации за тендерот не постојат, ниту пак има прикачено документ со технички спецификации. Во 2016 година, предметот на договорот за јавна набавка е: Монтажа и демонтажа на изнајмена декоративна опрема за новогодишно и божиќно украсување за 2017 година во Општина Радовиш. Носителот на набавката се обврзува да го испорача предметот на договорот на следниот начин- да ја монтира декоративната опрема која е во негова сопственост или е земена под закуп на негов трошок најдоцна до 10.12.2016 година и да изврши нејзина демонтажа на утврдените локации во се според спецификацијата во Општина Радовиш веднаш после 15.01.2017 година. Времетраење на договорот е за период од еден месец. Добиена е само една понуда, а вредност на склучениот договор со фирмата „Линк медиа плус“, со вклучен ДДВ од 1.475.000 денари. Нема прикачено документ со технички спецификации. Во 2017 година за монтажа и демонтажа на изнајмена декоративна опрема за Новогодишно и Божиќно украсување за 2018 година во Општина Радовиш за период од еден месец, добиена е една понуда. Вредноста на склучениот договор со вклучен ДДВ е 1.404.436 денари, повторно со фирмата „Линк медиа плус“. Во документот со технички спецификации даден е детален опис, количина и цени за услугата. Во 2018 година за новогодишно и божиќно украсување за 2019 година, дадена е една понуда и склучен договор со фирмата Метал ват – ел ДООЕЛ од Скопје во вредност од 1.179.292 денари со вклучен ДДВ. Во документот со технички спецификации даден е детален опис, количина и цени за услугата. Во 2019 година повторно е склучен договор со „Линк медиа плус“, а вредноста на договорот изнесува 1.486.800 денари со вклучен ДДВ. Во описот се наведени: Музички инструменти, спортски реквизити, игри, играчки, занаетчиски предмети, уметнички материјали и додатоци; Електрични машини, апарати, опрема и потрошен материјал; осветлување; Мебел (вклучувајќи канцелариски мебел), покуќнина, домашни уреди (со исклучок на осветлување) и производи за чистење; Пиротехнички услуги Времетраење на договорот е во период од два месеци, а добиени биле три понуди. Највисока добиена понуда: 1.271.043 денари, а најниска добиена понуда изнесува 275.000 денари. Критериум за доделување на договор е најниската цена. Општината склучува договор во износ ос 1.260.000 денари, без вклучен ДДВ. Во документот со технички спецификации даден е детален опис, количина и цени за услугата.

Куманово новогодишно „светка“ за 20 илјади евра

Пишуваат: Ивана Настеска и Албрие Џемаили

Општина Куманово за новогодишното украсување за дочекот на 2020 година, потрошила околу 23 илјади евра (1.412.430 денари), според проценетата вредност на тендерот. Јавното претпријатие „Куманово паркинг“ којшто го спровел тендерот сè уште нема доставено до Електронскиот систем за јавни набавки (ЕСЈН) податок за вредноста на склучениот договор. Најчесто, повеќето од општините или јавните претпријатија кои го спровеле тендерот за новогодишно украсување, финалните податоци на ЕСЈН ги објавуваат до крајот на месец јануари. Покрај градскиот плоштад, во Куманово, вообичаено се украсуваат и централните улици „Гоце Делчев“, „11 Октомври“, булеварите „Трета МУБ“ и „Октомвриска револуција Трошоците минимално се намалуваат во последните години За украсувањето за дочекот на 2019 година, Општина Куманово издвоила речиси иста сума од околу 23 илјади евра или 1.416.000 денари. Според склучените договори за изминатите години, поточно за новогодишно украсување за 2016, 2017 и 2018 година, Општина Куманово бележи тренд на намалување на трошоците од неколку илјади евра. Новогодишното украсување во пресрет на 2016 година чинело околу 28 илјади евра (1.770.000 денари) што е најмногу во последниве четири години. Истата година, беше укината и прославата за дочекот на новата година на плоштадот во Куманово од тогашниот градоначалник Зоран Дамјановски, со образложение дека скапи се хонорарите на изведувачите, а интерес и посетеност од граѓаните нема. За 2017 и 2018 година за новогодишното украсување се потрошила идентична сума на пари од по околу 27 илјади евра (1.722.800 денари). Иста фирма добива тендери во различни општини

Иста фирма добива тендери во различни општини Скопската фирма „Метал ват – ел“ две години по ред го добива тендерот за новогодишно украсување на општина Куманово, во вредност од околу 46 илјади евра за двете години. Иако сè уште не е јавно достапен склучениот договор за последната година, во делот на одлуки на ЕСЈН, стои дека избрана била оваа фирма со проценета вредност од околу 23 илјади евра (1.412.430 денари). „Метал ват-ел“ го добила и тендерот за новогодишно украсување и за 2019 година за Општина Куманово, со склучен договор од околу 23 илјади евра или 1.416.000 денари. Истата фирма„Метал ват-ел“, годинава ги доби тендерите за украсување во уште шест општини и тоа: Општина Карпош (околу 33 илјади евра), Општина Охрид (29 илјади евра), Општина Чаир (23 илјади евра), Општина Гази Баба (16 илјади евра), Општина Валандово (околу 10 илјади евра) и Општина Ресен (речиси 8 илјади евра). Во период од 2017 и заклучно со украсувањето за дочекот на 2020 година, според податоците на ЕСЈН, истата фирма „Метал ват-ел“ добила вкупно 19 тендери за новогодишно украсување во македонските опшини. Во 2017 и 2018 ги добила тендерите распишани од Општина Охрид во вредност од 23 илјади евра, односно 16 илјади евра.

Во 2019 година пак, оваа фирма добива 10 општински тендери за новогодино украсување и тоа: Охрид (30 илјади евра), Куманово (23 илјади евра), Чаир (23 илјади евра),Радовиш (19 илјади евра), Гевгелија (17 илјади евра), Гази Баба (13 илјади евра), Валандово (околу 10 илјади евра), Карпош (околку 7 илјади евра), Неготино ( околу 6 илјади евра) и Крива Паланка (околу 6 илјади евра). Во 2017 и во 2018 година пак, тендерите на новогодишно украсување од Општина Куманово ги добивала фирмата „Линк медиа груп“ од Скопје, која истотака често победува на тендерите и во други општини, и тоа неколку години по ред вклучувајќи го и Градот Скопје. ЈП Куманово-паркинзи задолжено за тендерите за Нова година Во 2009 година, Советот на Општина Куманово донесе одлука за формирање на Јавното претпријатие „Куманово – паркинг“. Првичната идеја била ова претпријатие да ги решава проблемите за паркирање во градот, тековно да го одржува јавното и уличното осветлување, контрола на потрошувачката електрична енергија, како и одржување и стопанисување со спортски терени и угостителски објекти ,кои се во сопственост на општината. Две години од основањето на ЈП „Куманово-паркинг“,во 2011 година, доверени му се ингеренциите за распишување и спроведување на тендерите за новогодишното украсување.

Општина Струга ги намалила трошоците откако го ангажира ЈКП „Еко Струга“

Пишуваат: Шефкие Аласани и Теодора Новеска

Веќе две години градот Струга, на предлог на Советот на Општина, новогодишно го украсува Јавно комуналното претпртијатие (ЈКП) „Еко-Струга“. Јавното претпријатие е задолжено да го украси градот и да ги одржува украсите, за да може да се користат и следните години. Пред донесување на оваа одлука, во анализираниот период од 2016-2019 година, секоја година се избирале различни компании, преку системот за јавни набавки. Трошоците за украсување на градот за новогодишните празници, според податоците кои се достапни на системот за електронски набавки e-nabavki, варираат од година во година. Воочливо е дека ниту една година не е истото претпријатие кое го добива тендерот за украсување на градот. Само во 2016 година, проценетиот буџет од Општината е надминат од договореното претпријатие, и тоа проценетата договорена сума од 762.711,86 денари достигнала до 900.000 денари. 2017 година: Украсување на градот за Нова Година 2018 Проценета вредност: 508.474,58 денари, Договорена вредност: 505.100 денари, Набавката ја добива Трговско претпријатие за производство, трговија и услуги БЕНИ МАРКЕТ, с. Велешта-Струга ДООЕЛ. 2016 година: Украсување на градот за Нова Година 2017 Проценета вредност: 762.711,86 денари, Договорена вредност: 899.986 денари. Прифатена е понудата на Претпријатиете за трговски услуги ВВУЛЦ – ТРАНСПОРТЕ импорт-експорт ДООЕЛ Велешта, Струга. Во системот на јавани набавки нема документ за склучен договор. 2015 година: Украсување на градот за Нова Година 2016 Проценета вредност: 762.711,86 денари. Договорена вредност: 900.000 денари Договорот за украсување го добива Претпријатие за градежништво, производство, трговија и услуги ВИРГО ЕНГИНЕРИНГ ДООЕЛ импорт-експорт Скопје. И овој договор не може да се најде на e-nabavki.

Општина Тетово три години по ред ја украсува иста компанија

За украсување на градот за 2019 година, Општина Тетово планирала 25 илјади евра, но одлучено е овие средства се донираат во Албанија, по земјотресот на 26 ноември, каде животот го загубија 52 лица. Со тоа, градот остана без новогодишно украсување. Во 2018 година, Општина Тетово за новогодишно украсување одвои 789.000 денари, што е помал буџет споредено со 2016 и 2017 година. За украсувањето на градот се погрижи компанијата „БОШ ДД“ од Тетово, која го украсуваше градот три години по ред. Според податоците од електронскиот систем за набавки, оваа компанија го добила тендерот за украсување на градот во 2016-та и 2017-та година, со ист буџет од 1.199.670,00 денари. Освен тендерот за новогодишно украсување, Компанијата БОШ добила уште два други тендери од истата Општина. Се работи за проектот „Изградба и реконструкција на јавното осветлување“ во 2018 година, проект со вредност од 11.585.546 денари, и другиот проект во 2019 година за „Набавка на репроматеријали за улично осветлување“, со вредност од 1.249.260 денари. Трошоци на Општина Тетово за новогодишно украсување: Година: 2018 Наслов на договорот: Новогодишно украсување Изведувач: „БОШ ДД“ од Тетово Вредност на договорот: 789.000 денари. Година: 2017 Наслов на договорот: Новогодишно украсување Изведувач: „БОШ ДД“ од Тетово Вредност на договорот: 1.199.670 денари. Година: 2016 Наслов на договорот: Новогодишно украсување Изведувач: „БОШ ДД“ од Тетово Вредност на договорот: 1.199.670 денари.

Општина Битола ги намалила трошоците за новогодишно украсување

Врз основа на податоците од електронскиот систем на јавни набавки, Општина Битола за новогодишното украсување за преодот од 2019 во 2020 година, потрошила околу 12 илјади евра за дочекот на Новата 2020-та, намалувајќи ја на овој начин сумата пари за овој празник, во споредба со 2018 година. По објавениот повик на општината, се потпишани три договори со две компании. За материјалите за украсување за Нова Година и фигури за деца е одбрана компанијата „ЗИ МУС“ од Скопје, со која се потпишани два договори – првиот со вредност од 271.990 денари, а вториот договор со вредност од 287.330 денари. Додека третиот договор, кој се однесува исто така на материјали за новогодишно украсување и фигури за деца ,е потпишан со „Техномак Инженеринг“ од Битола, со вредност од 163.803 денари. Во 2018-та се потрошени околу 16 илјади евра за дочек на Нова Година. Општината потпишала четири договори за Нова Година. За набавка на новогодишни украси за 2018-2019 година, повторно набавката ја добила компанијата „ЗИ МУС“ со која е потпишан договор со вредност од 349,823 денари. За набавка на материјали за поправка на украсите и фигури за деца се потрошени 188.800 денари со набавката од „Алфанет компјутер систем“ од Битола. За електрични услуги, монтирање и одржување на украсите, компанијата „Винел електрик“ од Битола добила 361.080 ден за извршување на услугите. Во меѓувреме, за потрошен материјал за реконструкција и поставување на украсите за Нова Година повторно е потпишан договор со „Техномак Инженеринг“ со вредност од 118.000 денари. За 2017 година не се објавени податоци, а во 2016 е потпишан договор за електрични услуги, монтирање, одржување и отстранување на новогодишни украси со компанијата „ЕЛ МАР“ од Битола, во износ од 219.622 денари или 3,5 илјади евра.

За пет години Ресен потрошил близу два милиони денари за украсување

Четири години по ред Ресен за Нова Година го укасува една иста компанија – „Еко клуб“ ДООЕЛ од Битола и тоа за ист износ од 354.000 денари. Вкупните пресметки покажуваат дека за украсувањето на плоштадот „Цар Самоил“, Општина Ресен во 2016,2017,2018 и 2019 година потроши над 1.400.000 денари. Новогодишното украсување во преодот од 2019 во 2020 година го добива Друштвото за трговија, производство и услуги Метал ват-ел од Скопје, а Општина Ресен платила поскапо. Набавката изнесува 483.210 денари со ДДВ. Од овие податоци евидентно е дека во 2019 година биле потрошени 129.210 денари повеќе од другите години.

Охрид за новогодишното украсување во 2019 година плати двојно повеќе од 2017 година

Пишуваат: Рита Бехадини и Дајана Лазаревска

Општина Охрид, иако веќе четири години ја украсува иста команија, за новогодишното украсување на градот во 2019 година потроши двојно повеќе од 2017 година. Фирмата изведувач на декорацијата е „Метал ват-ел“, ДООЕЛ од Скопје, која наплатила 1.779.912 денари за украсувањето во 2019 година, додека во 2017 година новогодишната декорација чинела 999. 342 денари. „Метал ват–ел“ е истовремено единствениот апликант на тендерот последните 4 години на јавната набавка на Општина Охрид.

| Година | Потрошен износ (ден) | | ------ | -------------------- | | 2019 | 1,779,912 | | 2018 | 1,862,928 | | 2017 | 999,342 | | 2016 | 1,416,000 |

Оваа компанија е исто така задолжена за декорирањето на Општина Аеродром во 2019-та, во износ од 2.983.925 денари. Исто така, во 2018 година, го добива тендерот за украсување на општините: Гевгелија, Радовиш, Неготино, Крива Паланка, Валандово и скопските општини: Карпош, Чаир, Аеродром и Гази Баба.

Ова компанија освен со новогодишно украсување, се занимава и со многу диверзибилни дејности. Имено, повеќе пати врши сервисирање на протопни и циркулаторни пумпи во спортската сала „Борис Трајковски“- Скопје, ЈП „Водовод“-Куманово. Исто така, во 2018 година истата фирма е набавувач истовремено и на хирушки мантили за Клиниката за Кардиологија во Скопје и корпи за одпадоци за ЈП „Комунална Хигиена“- Скопје.

Компанијата „Метал ват –ел“ Скопје, со седиште Гази Баба има долга листа на клиентела, вклучувајќи ја и компанијата „Линк медија плус“, која ја врши истата дејност, новогодишно украсување и’ е директен конкурент.

Ivana Nasteska

Published Work

Адриан Азири: Уметноста и културата треба да имаат поголемо влијание врз нашето општество

„Затворена“ Македонија

Физички присутни, но институционално непостоечки

„Линк медиа плус“ и „Метал ват –ел“ рекордери по јавни набавки за новогодишното украсување